Төлөөлөгч миний бие Филиппин улсад  анх хөл тависнаас хойш  2 сар өнгөрч байна. Энэ хугацаанд  төрсөн олон сайхан сэтгэгдэлүүд байна. Энэ бүхнээс та бүхэндээ сонирхуулан хуваалцахыг  хүслээ.  

Филиппин улсын  томоохон шоппинг центрүүд нь  худалдан авагчдынхаа тав тухыг маш их анхаарч ажилладаг юм шиг санагдсан. Энэ нь  дэлгүүр дотроо болон гаднаа амрах орчин, ногоон байгууламжийг шийдэж өгсөн явдал юм.  Хаана ч очсон  танд амран тухлах хиймэл ногоон зүлэг, бяцхан урлагийн тоглолтууд,  хөл биеийнхээ чилээг гаргах массажны сандалууд, сууж амрах сандалууд шийдэгдсэн байдаг надад маш таалагдсан. Эмэгтэйчүүд  бид  дэлгүүр хэсч шоппинг хийх дуртай  орой гэртээ ирэхдээ маш их ядарсан байдаг. Гэтэл энд би анх удаа ядрахгүйгээр шоппинг хийж үзлээ хэхэ. Хөгжилтэй байгааз.

Филиппин улсад хамгийн түгээмэл бүтээгдэхүүн зарим нэг жимс жимсгэнүүд байх бөгөөд аргагүйч биз халуун дулаан уур амьсгалтай орон учир олон төрлийн амтат жимс ургадаг байх. Үүн дундаа миний мэдэхээр филиппин хүмүүсийн хамгийн түрүүнд идэхийг зөвлөдөг бүтээгдэхүүн бол хатаасан манго буюу DRIED MANGO. Манго жимс эрүүл мэндэд маш их ач тустай жимс юм. Хоол боловсруулах үйл ажиллагааг сайжруулна, даралт бууруулж, хавдрын эсрэг үйлчилгээ үзүүлэхээс гадна биенээс хорт бодисыг гадагшлуулдаг байна. Филиппинд англи хэл сурч аялахаар шийдсэн та хатаасан манго амсч үзэхээ битгий мартаарай

Филиппин улсад банана жимс нь маш элбэг байдаг. Фрэш Банана үнийн хувьд маш хямд байхийн дээр амтнь хувьд ярих зүйлгүй. Тийм ч учраас Филиппин улс нь банана жимсийг төрөл бүрээр боловсруулан хэрэглээнд нэвтрүүлдэгийн нэг нь BANANA CHIPS буюу Банана жимсний чипс юм. Энэхүү бүтээгдэхүүн нь Филиппинчүүддээ болон Филиппин улсын зорин ирдэг гадаадын иргэдийн дунд амт чанараараа алдартай бүтээгдэхүүн юм. 

Дуриан (durian) жимс нь уураг болон өөх тослогоор баялаг. Амин дэмийг нөхдөг ба өөрийн гэсэн онцлог үнэртэй. Хүн бүрт өөр өөр мэдрэмж төрүүлдэг. Зарим хүмүүс өмхий гэхэд зарим нэг нь анхилам гэдэг. Энэ онцгой хачин үнэр амт нь ходоодонд сайнаар нөлөөлж, хоол идэх сонирхолыг нэмэгдүүлдэг.

Зүүн Өмнөд Азийн нутгуудаар ургадаг энэ жимс өргөстэй бөгөөд сонин үнэртэй жимс гэнэ. Дуриан бол Ази даяар жин болон хэмжээгээрээ жимсний хаан хэмээн алдаршсан жимс. Мөн адил Филиппин улсад элбэг байдаг бөгөөд олон төрлөөр боловсруулан хэрэглэдэгийн нь нэг DURIAN CANDY юм.